ANKETA: Da li Vam se poboljšao životni standard nakon povećanja penzija?

Ekonomskim reformama koje sprovodi aktuelna Vlada, minimalna penzija porasla je na 450 eura od 1. januara prošle godine. Povećanje je obuhvatilo 40.800 penzionera koji su do tada primali minimalnu penziju od 296 eura, kao i sve one koji su primali penziju nižu od 450 eura. Ovo povećanje penzija obuhvatilo je ukupno 74.000 ili dvije trećine penzionera u Crnoj Gori. Onima koji su do 1. januara 2024. godine primali više od 450 eura su penzije nastavile da se usklađuju tri puta godišnje, 1. januara, 1. maja i 1. septembra. Penzije se usklađuju sa rastom inflacije i bruto zarade.

Izmjenama Zakona o PIO s kraja 2023. godine, granica minimalne penzije povećana je na 450 eura, i predviđeno je da redovna kvartalna usklađivanja neće važiti za korisnike minimalnih penzija do 1. januara 2026. godine. Šta ovo znači?

Neusklađivanje najnižih penzija odnosi na one koji su imali najniže penzije od 296 eura. Te se penzije ne usklađuju ali one od 296 do 450 eura se usklađuju, sve dok ne pređu iznos najniže penzije. Dakle do 1. Januara naredne godine ove druge će se četvoromjesečno usklađivati i one će imati isplatni iznos od 450 eura, a njihov stvarni će biti adekvatan onome koliko bude iznosila. Dokle god taj iznos bude manji od 450 eura, njima će biti 450 eura, koliko iznosi minimalna penzija.

Na primjer, ako je nekome stvarna penzija 400 eura i kroz redovno usklađivanje se poveća za pet odsto, ona će iznositi 420 eura a Fond PIO će dodati 30 eura do minimale penzije od 450 eura. Ako se kroz naredno usklađivanje negova stvarna penzija poveća za još 20 eura, i iznosi 440 eura, on i dalje dobija 450 eura samo država sada dodaje 10 eura. Kada njegova stvarna penzija dođe do 450 eura država mu više ništa ne dodaje i njegova primanja rastu kroz redovna usklađivanja.

I srazmjerne penzije 450 eura

Početkom februara ove godine usvojene su izmjene i dopune Zakona o penzijskom i invalidskom osiguranju, koje predviđaju da i korisnici srazmjernih penzija primaju minimalnu penziju od 450 eura. Oko 2,500 srazmjernih penzionera obuhvaćeno je ovim izmjenama zakona. Pravo na razliku do najniže penzije priznaje se osiguranicima koji imaju prebivalište na teritoriji Crne Gore, pod uslovom da iznos penzije ostvaren po domaćem zakonodavstvu, uz iznos inostrane penzije preračunat prema važećem deviznom kursu na dan podnošenja zahtjeva za isplatu razlike, bude manji od najnižeg iznosa penzije određenog domaćim zakonom, odnosno manji od 450 eura. U tom slučaju, država dodaje iznos razlike do tog iznosa.

Penzioneri koje smo pitali da li im se povećao standard zbog povećanja penzija, nisu bili naročito raspoloženi za priču. Dok su jedni veoma zadovoljni, drugi priznaju da su penzije veće ali upozoravaju i na rast cijena. Evo šta kažu: