Hrvatska: Penzioneri smislili način da zarade i da se zabave

Penzionisani specijalci preduzetničkog duha u Hrvatskoj realizovali su uspješan turistički projekat i tako dodatno zaradili. Naime, sve je počelo kada je dvadesetak novopečenih penzionera shvatilo da su uprkos tome što više ne rade ostali adrenalinski zavisnici, te su nastavili da rade svoj posao ali u drugom, turističkom sektoru. Oni turiste vode u avanturu koristeći ono što su naučili tokom vojničke obuke – ronjenje, skakanje padobranom, snalaženje u prirodi bez hrane i vode i sl.

Uprkos dugogodišnjoj borbi sa hrvatskom administracijom ovi novopečeni turistički radnici sakupili su sve potrebne dozvole za obavljanje pustolovnog turizma.

“Nije lagano biti u ovoj branši, ponekad mi se čini da je lakše bilo na bojnom polju nego uhvatiti se ukoštac s hrvatskom administracijom, propisima, zakonima, pravilnicima… No mi želimo raditi sve po zakonu, pa smo zato toliko dugo pripremali projekt”, objašnjava suvlasnik firme Nemo – Adria, Rene Cipovec. Dodaje da su svi učesnici njihovih pustolovnih događaja osigurani, iako su mere predostrožnosti podignute na maksimum.

“Upravo zato jer smo bivši specijalci dobro znamo od kuda vreba opasnost i kako se tijekom neke pustolovine zaštiti od nje. Uz svakog našeg pustolova-amatera dolazi po jedan bivši specijalac, sada instruktor”, kaže on.

Detalje ne žele da otkriju ali medij piše da akcije ima i na kopnu, u vazduhu, vodi pa čak i pod zemljom na više od 10 000 kvadratnih metara.

penzioneri.me/bif.rs